21 лютага ва ўсім свеце адзначаецца Міжнародны дзень роднай мовы. Галоўная яго мэта – захаванне моўнай і культурнай разнастайнасці ў свеце, падтрыманне нацыянальных моў і культур, а таксама забеспячэнне права кожнага грамадзяніна карыстацца роднай мовай.
Напярэдадні гэтага свята ва ўстанове адукацыі для вучняў 1-9 класаў прайшлі мерапрыемствы ў мэтах абуджэння павагі да слова, імкнення захоўваць сваю культуру і культуру іншых народаў; развіцця сродкамі мовы інтэлектуальнай, эмацыянальнай, эстэтычнай, маральнай сфер асобы навучэнца; выхавання павагі да ўсяго роднага, беларускага. Навучэнцы акунуліся ў гісторыю свята, адказвалі на пытанні настаўнікаў і вядучых, праверылі свае веды, пашырылі кругагляд пра багацце нашай роднай беларускай мовы.
У 5-8 кл. прайшла гульня "У словы я гуляю", прысвечаная Дню роднай мовы. Вучням былі прапанаваны заданні, звязаныя з лексікай, фразеалогіяй, арфаграфіяй. Цікавасць выклікалі асобныя словы, якія сустрэліся вучням у заданні "Перакладчыкі ".